• Бош сахифа

а.кодиров

1975 йил Тошкент шаҳрида туғилган. 1996 йил Туркиянинг Егей университетини, 2009 йил Тошкент молия институтини, 2011 йил Ўзбекистон Республикаси Президенти ҳузуридаги Давлат ва жамият курилиши академиясини тамомлаган. Мутахассислиги филолог, иқтисодчи.

1996-1997 йилларда Ташқи иқтисодий алоқалар, инвестициялар ва савдо вазирлигининг Жиззах вилояти бошқармаси етакчи мутахассиси булиб ишлаган. 1997-2008 йилларда Жиззах вилояти давлат мулкини бошкариш ва тадбиркорликни қўллаб-кувватлаш бошкармаси етакчи мутахассиси, бўлим бошлиғи ва бошқарма бошлиғининг ўринбосари бўлган. 2008-2015 йилларда Жиззах вилояти Ташқи иқтисодий алоқалар, инвестициялар ва савдо бошқармаси бошлиғи бўлган.

2014-йилда Ўзбекистон Республикаси Олий Мажлиси Қонунчилик палатаси депутати этиб сайланган. 2017-2019 йилларда Республика Маънавият ва маърифат маркази рахбари лавозимида фаолият юритган. 2019 йилда Ўзбекистон Республикаси Олий Мажлиси Қонунчилик палатаси депутати этиб сайланган. Ҳозирги кунда Олий Мажлиси Қонунчилик палатаси Спикери ўринбосари, Ўзбекистон "Миллий тикланиш" демократик партияси раиси лавозимларида ишлаб келмоқда.

Ш.Мирзиёев

1957 йил 24 июлда Жиззах вилоятининг Зомин туманида шифокор оиласида туғилган. Миллати – ўзбек. Олий маълумотли, 1981 йили Тошкент ирригация ва қишлоқ хўжалигини механизациялаш муҳандислари институтини тугатган. Муҳандис-механик мутахассислигига эга. Техника фанлари номзоди, доцент.

Меҳнат фаолиятини 1981 йилда Тошкент ирригация ва қишлоқ хўжалигини механизациялаш муҳандислари институтида бошлаб, кичик илмий ходим, катта ўқитувчи, доцент, ўқув ишлари бўйича проректор лавозимларида ишлади.

1990 йили Республика Олий Совети депутатлигига сайланиб, айни вақтда Мандат комиссиясининг раиси сифатида ҳам фаолият кўрсатди. 1992 йилда Тошкент шаҳрининг Мирзо Улуғбек тумани ҳокими лавозимига тайинланди. 1996-2001 йилларда Жиззах вилояти ҳокими, 2001-2003 йиллар мобайнида Самарқанд вилояти ҳокими лавозимларида ишлаб, мазкур туман ва вилоятларни ижтимоий-иқтисодий жиҳатдан ривожлантиришга катта ҳисса қўшди.

ворисова

1961-йилда Тошкент шаҳрида зиёлилар оиласида туғилган. Миллати – ўзбек. Маълумоти - олий, 1984-йили Тошкент давлат тиббиёт институтини тугатган. Мутахассислиги - шифокор. Оилали, уч нафар фарзанди бор.

Меҳнат фаолиятини 1984-йилда Тошкент давлат тиббиёт институти клиникасида шифокор вазифасидан бошлаган. 1989-йилдан Тошкент вилояти Зангиота тумани "Назарбек" қишлоқ врачлик пунктида шифокор-терапевт, 2003-йилдан "Назарбек" қишлоқ оилавий поликлиникаси мудири бўлиб ишлаган. 2018-йилда Ўзбекистон Халқ демократик партияси Марказий Кенгаши раиси ўринбосарлигига сайланган.

2009-2014-йилларда халқ депутатлари Зангиота туман Кенгаши депутати, 2015-2019-йилларда халқ депутатлари Тошкент вилоят Кенгаши депутати, Ўзбекистон Республикаси Олий Мажлиси Сенати аъзоси сифатида мамлакатни сиёсий, ижтимоий-иқтисодий ривожлантириш, демократик ислоҳотларни амалга ошириш, халқимиз манфаатлари ҳимоясини кучайтиришга хизмат қиладиган қонун ҳужжатларини қабул қилиш жараёнларида фаол иштирок етиб, самарали фаолият олиб борган.

обломуродов

1975 йилда Самарқанд вилоятида туғилган. 1996 йилда Жаҳон иқтисодиёти ва дипломатия университети ҳамда 2000 йилда Бирмингем университети (Буюк Британия)ни тамомлаган. Мутахассислиги иқтисодчи. Иқтисод фанлари номзоди, доцент.

Н.Обломуродов кўп йиллар олий таълим тизимида, жумладан, Тошкент тўқимачилик ва енгил саноат институти, Тошкент молия институтида кафедра мудири, факультет декани лавозимларида фаолият юритган.

Банк-молия соҳаси ҳамда давлат бошқарув органлари тизимида, жумладан, Ўзбекистон Республикаси Президенти Администрацияси Фуқаролар ҳуқуқларини ҳимоя қилиш, жисмоний ва юридик шахсларнинг мурожаатлари билан ишлашни назорат қилиш ва мувофиқлаштириш хизматида масъул лавозимларда ишлаган.

2020-2021 йилларда Нарзулло Обломуродов Ўзбекистон Республикаси Экология ва атроф-муҳитни муҳофаза қилиш давлат қўмитаси раисининг биринчи ўринбосари сифатида мамлакатимизда тобора долзарб бўлиб бораётган экологик муаммоларни ҳал этишда фаол иштирок этди.

1632029691.3817

Марказий Осиё халқаро институти бош илмий ходими Елена Цай “Дунё” ААга берган интервьюсида давлатимиз раҳбарининг ШҲТнинг Душанбе саммитидаги нутқида коронавирус инфекцияси оқибатларини бартараф этиш бўйича қўшма чора-тадбирларни ишлаб чиқиш масалалари бўйича таклифларига эътибор қаратди.

Душанбе юбилей саммити доирасида хавфсизлик, АКТ, атроф-муҳитни муҳофаза қилиш, қишлоқ хўжалиги, фавқулодда вазиятлар, транспорт, маданият ва спорт соҳаларида ўзаро ҳамкорликни янада чуқурлаштириш ва бошқа долзарб масалалар муҳокама қилинди.

Унда устувор мавзулар қаторида коронавирус инфекцияси оқибатларини бартараф этиш бўйича қўшма чора-тадбирларни ишлаб чиқиш масалаларига алоҳида урғу берилди.

Форум доирасида Ўзбекистон Президенти Шавкат Мирзиёев томонидан юқумли касалликларнинг олдини олиш ва уни даволаш, касалликдан кейинги реабилитация жараёни ва эмлаш сертификатларини ўзаро тан олиниши, ШҲТ ҳудудидаги етакчи тиббиёт марказлари ўртасида ҳамкорлик ўрнатиш бўйича «Йўл харитаси»ни ишлаб чиқиш ва қабул қилиш каби муҳим ташаббус илгари сурилди.